കോട്ടയം: കര്‍ണാടക ട്രാന്‍സ്പോര്‍ട്ട് ബസില്‍ കോട്ടയം സ്വദേശിനിയായ യുവതിക്കുനേരെ ലൈംഗികാതിക്രമം. സംഭവത്തിൽ യുവതിയുടെ പരാതിയിൽ മലപ്പുറം ഈശ്വരമംഗലം സ്വദേശി മുസ്തഫയെ കോഴിക്കോട് പോലീസ് അറസ്റ്റ് ചെയ്തു. എറണാകുളത്തുനിന്ന് കോഴിക്കോട് വഴി കര്‍ണാടകയിലെ ഹാസനിലേക്ക് പോവുകയായിരുന്ന ബസില്‍ ചൊവ്വാഴ്ച പുലര്‍ച്ചെയാണ് സംഭവം. എടപ്പാളില്‍ നിന്നാണ് മുസ്തഫ ബസ്സിൽ കയറിയത്. തുടര്‍ച്ചയായി ശല്യപ്പെടുത്തിയതിനെ തുടർന്ന് ബസ് കോഴിക്കോട് എത്തിയപ്പോള്‍ യുവതി ബഹളം വച്ചതോടെ ബസ് നടക്കാവ് പൊലീസ് സ്റ്റേഷനിലെത്തിക്കുകയും ജീവനക്കാരും മറ്റ് യാത്രക്കാരും ചേര്‍ന്ന് ഇയാളെ പൊലീസില്‍ ഏല്‍പ്പിക്കുകയുമായിരുന്നു.
