മുണ്ടക്കയത്ത് ദേശീയപാതയിൽ ദമ്പതികൾ സഞ്ചരിച്ച കാറും ടോറസ് ലോറിയും കൂട്ടിയിടിച്ചുണ്ടായ അപകടത്തിൽ ഭർത്താവിന് ദാരുണാന്ത്യം.

മുണ്ടക്കയം: മുണ്ടക്കയത്ത് ദേശീയപാതയിൽ ദമ്പതികൾ സഞ്ചരിച്ച കാറും ടോറസ് ലോറിയും കൂട്ടിയിടിച്ചുണ്ടായ അപകടത്തിൽ ഭർത്താവിന് ദാരുണാന്ത്യം.

 

 ചങ്ങനാശേരി സ്വദേശി വിജയകുമാർ( 66) ആണ് മരിച്ചത്. വ്യാഴാഴ്ച രാവിലെ പതിനൊന്നു മണിയോടെ മുണ്ടക്കയം മുപ്പത്തിനാലാം മൈലിലാണ് അപകടം ഉണ്ടായത്. അപകടത്തിൽ ഭാര്യ മിനിയെ പരിക്കുകളോടെ ആശുപത്രിയിൽ പ്രവേശിപ്പിച്ചു. ദമ്പതികൾ സഞ്ചരിച്ചിരുന്ന കാറും എതിർ ദിശയിലെത്തിയ ടോറസ് ലോറിയും തമ്മിൽ കൂട്ടിയിടിക്കുകയായിരുന്നു. അപകടത്തിൽ കാറിൻ്റെ മുൻഭാഗം പൂർണ്ണമായും തകർന്നു. മുണ്ടക്കയം പൊലീസ് എത്തി മേൽനടപടികൾ സ്വീകരിച്ചു. ചങ്ങനാശ്ശേരിയിൽ നിന്നും കട്ടപ്പനയിലേക്ക് പോവുകയായിരുന്നു ഇവർ.