കോട്ടയം മെഡിക്കൽ കോളജ് കാർഡിയോളജി വിഭാഗം സ്ഥാപക മേധാവിയും കാരിത്താസ് ആശുപത്രിയിൽ കാർഡിയോളജി വിഭാഗത്തിന്റെ തലവനുമായിരുന്ന ഡോ. ജോർജ് ജേക്കബ് പുള്ളോലിക്കൽ അന്തരിച്ചു, ഓർമ്മയായത് അരനൂറ്റാണ്ടിലേറെ കേരളത്തിൻ്റെ ഹൃദയത്തിന് കാവൽ നിന്ന ഡോക്ടർ.

കോട്ടയം: കോട്ടയം മെഡിക്കൽ കോളജ് കാർഡിയോളജി വിഭാഗം സ്ഥാപക മേധാവിയും പ്രമുഖ ഹൃദ്രോഗ വിദഗ്ധനുമായ ഡോ. ജോർജ് ജേക്കബ് പുള്ളോലിൽ അന്തരിച്ചു. 94 വയസ്സായിരുന്നു.

 

 അരനൂറ്റാണ്ടിലേറെ കേരളത്തിൻ്റെ ഹൃദയത്തിന് കാവൽ നിന്ന ഡോക്ടർ ആണ് ഓർമ്മയായത്. മധ്യതിരുവിതാംകൂറിലെ ആദ്യത്തെ കാർഡിയോളജിസ്റ്റും, കോട്ടയത്ത് ആദ്യമായി ഹൃദ്രോഗ ചികിത്സ ആരംഭിച്ചതും ഇദ്ദേഹമായിരുന്നു. കോട്ടയം മെഡിക്കൽ കോളേജിൽ കാർഡിയോളജി വകുപ്പിന്റെ സ്ഥാപകനും, മുൻ വകുപ്പ് മേധാവിയും, കോട്ടയം കാരിത്താസ് ആശുപത്രിയിൽ കാർഡിയോളജി വിഭാഗത്തിന്റെ തലവനായും ദീർഘനാൾ പ്രവർത്തിച്ചു. കോത്തല പുള്ളോലിക്കൽ കുടുംബാംഗമാണ് ഡോ.ജോർജ് ജേക്കബ്. കോട്ടയം മെഡിക്കൽ കോളേജിലെ ആദ്യ അനസ്തീസിയ വിദഗ്ധയായ ഡോ. മേരി ജോർജാണ് ഭാര്യ. മക്കൾ ദീപ ജോർജ്, ഡോ. തോമസ് ജോർജ് (കാർഡിയോളജിസ്റ്റ് കാരിത്താസ് ആശുപത്രി), ഡോ. അനില ജോർജ് (പീഡിയാട്രീഷൻ യുഎസ്). മരുമക്കൾ: ജോർജ് പോൾ (ന്യൂഡൽഹി), സ്നേഹ തോമസ്, ഡോ. അജിത്ത് തോമസ് (ന്യൂറോളജിസ്റ്റ്, യുഎസ്). സംസ്കാരം വ്യാഴാഴ്ച പാമ്പാടി ഈസ്റ്റ് വി.മർത്തമറിയം യാക്കോബായ സുറിയാനി പള്ളിയിൽ.