പാലാ മുത്തോലി പഞ്ചായത്തിലെ യുഡി ക്ലർക്കിനെ കാണ്മാനില്ല, ഇന്നലെ രാവിലെ വീട്ടിൽ നിന്നിറങ്ങിയത് പഞ്ചായത്ത്‌ ഓഫീസിലേക്ക് പോകുന്നതിനായി, കുടുംബ പ്രശ്നങ്ങൾ ഉള്ളതായി നിഗമനം.

കോട്ടയം: പാലാ മുത്തോലി പഞ്ചായത്തിലെ യുഡി ക്ലർക്കിനെ കാണ്മാനില്ലെന്ന് പരാതി. കിഴവങ്കുളം സ്വദേശിനി ബിസ്‌മി (41)യെ ആണ് കാണാതായത്.

 

 ഇന്നലെ പഞ്ചായത്ത് ഓഫീസിൽ ജോലിക്ക് എത്തിയിരുന്നില്ല. വീട്ടുകാരുടെ പരാതിയിൽ പള്ളിക്കത്തോട് പൊലീസ് കേസെടുത്ത് അന്വേഷണം തുടങ്ങി. കുടുംബ പ്രശ്നങ്ങളുണ്ടെന്ന് ആണ് പൊലീസ് നിഗമനം. സിസിടിവി ദൃശ്യങ്ങളുടെ അടിസ്ഥാനത്തിലാണ് അന്വേക്ഷണം തുടരുന്നത്. ഇന്നലെ രാവിലെ പഞ്ചായത്ത്‌ ഓഫീസിലേക്കെന്നു പറഞ്ഞാണ് വീട്ടിൽ നിന്നിറങ്ങിയത്. വൈകിട്ട് സമയം വൈകിയിട്ടും കാണാതിരുന്നതിനെ തുടർന്നാണ് ഭർത്താവ് സഹപ്രവർത്തകരോട് അന്വേഷിച്ചത്. എന്നാൽ ബിസ്മി ജോലിക്ക് എത്തിയിരുന്നില്ല എന്നാണ് വിവരം ലഭിച്ചത്. തുടർന്ന് പോലീസിൽ പരാതി നൽകുകയായിരുന്നു.