ഈരാറ്റുപേട്ട: ഈരാറ്റുപേട്ടയിൽ വൻ സ്ഫോടകവസ്തുക്കളുടെ ശേഖരം കണ്ടെത്തി.
കഴിഞ്ഞ ദിവസം കട്ടപ്പനയിൽ പോലീസ് പിടിയിലായ ഈരാറ്റുപേട്ട സ്വദേശികളെ ചോദ്യം ചെയ്തതിൽ നിന്നാണ് ഈരാറ്റുപേട്ട കുഴിവേലി ഭാഗത്ത് നിന്നും വൻ സ്ഫോടകവസ്തുക്കളുടെ ശേഖരം കണ്ടെത്തിയത്. രണ്ട് ഷട്ടർ മുറികളിൽ നിന്നായി പതിനായിരത്തിലധികം ഡിറ്റനേറ്ററുകളും രണ്ടായിരത്തിലധികം ജലാറ്റിൻ സ്റ്റിക്കുകളും മൂവായിരത്തിലധികം മീറ്റർ തിരികളും ഒരു എയർ റൈഫിളുമാണ് കണ്ടെത്തിയത്. അനധികൃത പാറമടകൾക്ക് നൽകാനായി സൂക്ഷിച്ചിരുന്നവയാണ് ഇതെന്നാണ് നിഗമനം. ഈരാറ്റുപേട്ട സ്വദേശി ഷിബിലി, തീക്കോയി സ്വദേശി മുഹമ്മദ് ഫാസിൽ എന്നിവരെയാണ് കഴിഞ്ഞ ദിവസം കട്ടപ്പനയിൽ വെച്ചു പോലീസ് അറസ്റ്റ് ചെയ്തത്. ഈരാറ്റുപേട്ട പോലീസിന്റെ നേതൃത്വത്തിലാണ് പരിശോധന നടത്തിയത്.
