ചങ്ങനാശേരി: സ്കൂട്ടറിൽ പള്ളിയിലേക്ക് പോകുന്നതിനിടെ ചങ്ങനാശ്ശേരിയിലുണ്ടായ വാഹനാപകടത്തിൽ പരിക്കേറ്റു ചികിത്സയിലായിരുന്ന വീട്ടമ്മ മരിച്ചു.
.jpeg)
കോട്ടയം എആർ ക്യാംപ് ഡോഗ് സ്ക്വാഡ് എസ്ഐ കുരിശുംമൂട് മഠത്തിച്ചിറ ടി.എം. ആന്റണിയുടെ ഭാര്യ ബ്രീന വർഗീസ് (45) ആണ് മരിച്ചത്. കഴിഞ്ഞ ശനിയാഴ്ച സ്കൂട്ടറിൽ പള്ളിയിലേക്ക് പോകുന്നതിനിടെ കുരിശുമൂടിന് സമീപം ആണ് അപകടം ഉണ്ടായത്. നിയന്ത്രണംവിട്ട പാൽ വാൻ സ്‌കൂട്ടർ ഇടിച്ചു തെറിപ്പിക്കുകയായിരുന്നു. അപകടത്തിൽ വാൻ ബ്രീനയുടെ മുകളിലേക്കാണ് മറിഞ്ഞു വീണത്. അപകടം കണ്ടു ഓടിയെത്തിയ നാട്ടുകാരും പോലീസും ചേർന്നാണ് വാഹനം ഉയർത്തി ബ്രീനയെ പുറത്തെടുത്തത്. സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം. ചങ്ങനാശേയിൽ ആധാരം എഴുത്ത് ഓഫിസിലെ ജീവനക്കാരിയായിരുന്നു. അഡോൺ ആന്റണി, ആഗ്നസ് ആന്റണി എന്നിവരാണ് മക്കൾ.
