മുണ്ടക്കയം: മുണ്ടക്കയത്ത് യുവാവിനെ വീടിനുള്ളിൽ മരിച്ച നിലയിൽ കണ്ടെത്തി.
വണ്ടൻപതാൽ സ്വദേശി തത്തൻപാറ ഫൈസലിനെയാണ് ഇന്ന് രാവിലെ വീടിനുള്ളിൽ മരിച്ച നിലയിൽ കണ്ടത്. ലോറി ഡ്രൈവറായ യുവാവും അമ്മയും മാത്രമാണ് വീട്ടിലുണ്ടായിരുന്നത്. രാത്രി നെഞ്ചുവേദന അനുഭവപ്പെട്ടിരുന്നതായാണ് വിവരം. രാവിലെ ഭക്ഷണത്തിനായി വിളിച്ചപ്പോൾ ഫൈസലിനെ മരിച്ച നിലയിൽ കണ്ടെത്തുകയായിരുന്നു. മുണ്ടക്കയം പോലീസ് സ്ഥലത്ത് എത്തി മേൽനടപടികൾ സ്വീകരിച്ചു.
