വൈക്കം: ഖത്തറിൽ ട്രക്കിനു പിറകിൽ കാറിടിച്ചുണ്ടായ അപകടത്തിൽ കോട്ടയം വൈക്കം സ്വദേശിക്ക് ദാരുണാന്ത്യം.
.jpeg)
വൈക്കം വല്ലകം ചെമ്മനത്തുകര ഒഴവൂർ വീട്ടിൽ ജോയ് മാത്യു(47) ആണ് മരിച്ചത്. ഇവന്റ് മാനേജ്മെൻ്റ് മേഖലയിൽ ജോലി ചെയ്യുകയായിരുന്ന ഇദ്ദേഹം ജോലിയുടെ ആവശ്യവുമായി ബന്ധപ്പെട്ടു ഷാഹാനിയയിൽ പോയി മടങ്ങി വരും വഴി പുലർച്ചെ മൂന്ന് മണിയോടെയാണ് അപകടം ഉണ്ടായത്. ദുഖാൻ റോഡിൽ ട്രക്കിനു പിറകിൽ കാറിടിച്ചായിരുന്നു അപകടം ഉണ്ടായത്. ഇൻഡസ്ട്രിയൽ ഏരിയയിലെ ഹമദ് മെഡിക്കൽ കോർപറേഷൻ ആശുപത്രി മോർച്ചറിയിൽ സൂക്ഷിച്ച മൃതദേഹം നടപടികൾ പൂർത്തിയാക്കിയ ശേഷം നാട്ടിലെത്തിക്കും. മനോരമ ഓൺലൈൻ അസോസിയേറ്റ് പ്രൊഡ്യൂസർ ശ്രീദേവി ജോയ് ആണു ഭാര്യ.
