ഏറ്റുമാനൂർ: കുടുംബപ്രശ്നങ്ങളെ തുടർന്നുണ്ടായ അതിക്രമത്തെ തുടർന്ന് ഏറ്റുമാനൂരിൽ മദ്യപിച്ചെത്തിയ ഭർത്താവ് ഭാര്യയെ കിണറ്റിൽ തള്ളിയിട്ടു, പിന്നാലെ ഭർത്താവും കിണറ്റിൽ ചാടി. ഏറ്റുമാനൂർ കണപ്പുരയിൽ ആണ് സംഭവം. ഭർത്താവ് ശിവരാജ് ഭാര്യ ബിനുവിനെ വീടിന് സമീപത്തുള്ള കിണറ്റിലേക്ക് തള്ളിയിടുകയായിരുന്നു. ഫയർഫോഴ്സ് എത്തിയാണ് രണ്ട് പേരെയും കരയിൽ എത്തിച്ചത്. കിണറ്റിൽ അധികം വെള്ളമില്ലാത്തതിനാലും ആഴമില്ലാത്തതിനാലുമാണ് ഇരുവരും രക്ഷപ്പെട്ടത്. വീഴ്ചയിൽ ബിനുവിന്റെ കാലിനു പരിക്കേറ്റു. ഇരുവരേയും ആശുപത്രിയിൽ പ്രവേശിപ്പിച്ചു. ഭർത്താവിന്റെ കാലിന് പരിക്കേറ്റിട്ടുണ്ട്. അതേസമയം, ഭാര്യ കിണറ്റിൽ ചാടിയതിനെ തുടർന്ന് കൂടെ ചാടിയതാണെന്ന് ഭർത്താവ് പറയുന്നു.
